Ka slice Small Finance Bank (slice SFB) ka la nang pynkhlain shuh shuh ia ka jingtreikam jong ka ha ka thain shatei lam mih ngi da kaba thung ia U K.V. Eapen kum u Independent Director ha ka board jong ka Bank. U ophisar IAS jong ka Assam bad Meghalaya cadre, uba long ruh u senior advisor barim jong ka International Monetary Fund (IMF), U Eapen udei uba la trei la 35 snem ha kaban thaw ia ki kyndon treikam ban kyntiew ia ki paidbah, ki kam kiba iadei bad ka jingthaw kyndon ha ka jingbei tyngka, bad ki tnad sorkar. Ha ki snem jong ka jingterikam jong u ha ka Indian Administrative Service, u la bat ia ka kam kum u heh jong ka tand pla tyngka ka sokar pdeng, ka tnad Department of Commerce, bad kiwei kiwei ki tnad sorkar ha ka jylla Assam bad Meghalaya. U la trei ruh kum u Secretary jong ka tnad Development of the North Eastern Region (DoNER).
Ha ka por ba u dang trei ha ka thain shatei lam mihngi, u la shim ka bynta ba kongsan ban saindur ban pynbha ia ki kam paidbah, u peit ruh ia ka rukom pyniaid pisa tyngka ha ka thain, bad pynkhain ia ki kyndon treikam jong ka sorkar kaba iai bteng ban pynbha ia ka thain. Ka jingsngewthuh jong u shaphang ka jingtreikam ka sorkar jylla, khamtam ha Assam bad Meghalaya, ka pynlong ia u ban don ha ka kyrdan ba kyrpang ban kyrshan ia ka jingtreikam jong ka slice ban kyntiew ia ka jingioh lad ban pyndonkam ia ki jingshakri jong ki bank ha ki jaka nongkyndong. Ha ka jingtreikam ha ka ri pat, ka jingnoh synniang jong U Eapen ban wanrah jingkylla ia ki rukom treikam ha ki bank ba pyniaid da ka sokar, ka jingbuh ia ki kyndon, bad ka jingkynthup ia baroh lang hapoh ki shlem bei tyngka ka iahap bha bad ka thong jong ka slice SFB. U la lam khmai ia ka national programme kaba nyngkong halor ka Financial Inclusion ne ka jingkynthup lang ia baroh ban ioh jingmyntoi na ki shlem kum u Joint Secretary, ha ka tnad Finance ka sorkar pdeng, Department jong ka Financial Services (DFS), ha kaba u la peit ia ka jingtreikam kaba iadei bad ki nongkyndong bad kumjuh ruh ka jingairam, ka jingairam na ka bynta ka rep ka riang, bad kyntiew ia ka bynta treikam kaba iadei ha ka liang ka pisa tyngka ha ka rukom kaba rit ne microfinance sector development. Ka jingioh ban trei ha ka jaka trei sha bar ri kata ka IMF, ha kaba u la ai jingmut ha kaba iadei bad ki kyndon treikam ha ki shlem bei tyngka ha ka pyrthei, ka la nang kham pynbha+ shuh shuh ia ka bam katba ka dang pyrshang ban pynneh bad kyntiew ia ka jingtreikam jong ka.
U la trei ruh kum u Administrative Member jong ka Central Administrative Tribunal bad u la bat kam ha ka board jong ki bank sorkar kum ka Union Bank of India, ha kaba u la ai jingmut halor ki kyndon treikam bad ki rukom treikam ha bank. U Eapen u la pyndep ia ka jingpule MSc ha ka subjek Macroeconomic Policy and Planning ka University of Bradford (UK), udei ruh u PG Diploma ha ka Business Management and Policy na MDI Gurgaon, u la pyndep ruh iaka MA ha ka subjek Economics na Delhi School of Economics, bad ka BA (Hons) ha ka subjek Economics na St. Stephen’s College, Delhi. Ka slice SFB, kadei kaba la sdang na Assam, ka la kiew bha ha ka thain shatei lam mih ngi ha ka thain shatei lam mihngi ha kine ki snem ba la dep. Ka bank ka la thaw haduh 400 tylli ki kam kiba thymmai ha ka thain bad la pyniar ia ka jingdon jong ka sha ki ki shnat ha Wokha (Nagaland), Bawngkawn, bad Serchhip (Mizoram), katba dang iai bteng ban thung kami ia ki briew na ka thain, ban ioh ia ki jingshakri lyngba ka digital, bad ai jinghikai shaphang ka rukom pyniaid ia ka pisa pilain ha ki thain nongkyndong.
Ka bank ka la nang suhthied sha ki MSME, ki kam kiba iadei bad ka rep ka riang, bad sha ki nongshim ram ha ka sien ba nyngkong, da kaba pynsuk I aka jingairam bad ka rai jong ki shnat treikam kiba long katkum ka jingdonkam jong ki briew ha shnong. Ka slice SFB ka phai khmat bha sha ka jingynkup bor ia ki kynthei, ban kyntiew ia ka sap ka phong ki samla, bad ai ka jingshakri kaba paka sha ki nongwan thep pisa ne ka inclusive customer service kaba la leh n aka bynta kito ki shnong ki thaw kiba ka jingtreikam digital kam pat da long bha.
“Ngi sngewtynnad shibun eh ban pdiang sngewbha ia U Eapen sha ka board jong ngi,” ong U Satish Kumar Kalra, MD & CEO, slice SFB. “Ka jingsngewthuh ba jylliew jong u shaphang ki kam paidbah, ki kyndon kiba iadei bad ka pisa pilain, bad ka jingkiew ka thain shatei lam mihngi kan nang kham pynbha shuh shuh ia ka bank. Katba ngi dang bteng ban pynlong ia ka bank kaba biang na ka bynta baroh, kaba ki briew ki lah ban leit, bad kaba la pynkhreh na ka bynta ka lawei, ki jingai jingmut jong u kin iarap ban pyntikna ba ngin kiew ha ka thain bad ha ka ri ruh kumjuh.” “Nga sngew kmen ban treibad ka slice small finance bank ha kum kane ka por kaba kongsan,” ong U K.V. Eapen. “ka thong jong ka slice ka long ban pyniar ia ka jingtreikam ka bank ha ka thain shatei lam mihngi lyngba ka jingpyndonkam ia ka buit stad thymmai ka digital bad ka jingdon jong ka ha ki shnong ki thaw, kine ki long ki jingtreikam kiba khlain bha ban ioh ia ka jingkiew ha baroh ki liang. Ngi khmih lynti ban ioh ban noh synniang sha kane ka thong bad kyrshan ia ka jingtreikam ka bank ban wanrah ka jingkylla kaba don jingmut sha ki jaka kiba dang sah dien.”