U Myntri Sorkar uba dei ruh u nongialam ka Meghalaya Bharatiya Janata Party (BJP) u Bah Sanbor Shullai hynne ka sngi u la kop ba ka BJP kan jop 8 haduh 10 tylli ki seat ha ka ielkshon MDC sha Garo Hills Autonomous District Council (GHADC).
Haba kren sha ki lad pathai khubor u Bah Sanbor ula ïathuh ba ka BJP ka la khot Application na ka bynta kito kiba kwah iakhun ilekshon MDC na ka Party.
U Bah Sanbor ula kyntu ia ki paidbah ka thaiñ Garo Hills ban phai khmat ha ki kam bha ba ka BJP ka la leh hapoh ka jingïalam u Myntri Rangbahduh ka Ri u Narendra Modi ban wanrah shibun ki kam pynroi ha ka Ri kynthup ka Jylla Meghalaya.
Ula ong hadien ki 10 snem ba shimti ka BJP ia ka bor Sorkar Pdeng, ka Ri ka la sakhi ki kam pynroi lada nujor bad ki kam pynroi kiba la leh 50 snem mynshwa.
“Ha ka ilekshon MDC sha GHADC nga thikna ba ka BJP kan jop 8 haduh 10 tylli ki Seat namar nga tip ki paidbah ki la sngewthuh dei ka BJP ba lah ban wanrah ki kam pynroi ia ki paidbah ka thaiñ” la ong u Bah Sanbor.
U la ïathuh ia ki kam ilekshon MDC sha GHADC la peit da u President ka Meghalaya BJP hynrei kum u MLA un hiar sha ka ri lum Garo Hills ban ialap ilekshon MDC.