Ar ngut ki longkmie ki la duh noh ia la ka jingim, katba iwei i khyllung i la mynsaw jur hadien ba ka kali Alto K10 ba don ia u Registration number ML 05 Y 4464 la leit ban tynrah kynsan ia kawei ka trok kaba don u registration number AS 01 RC 5327 kaba ieng harud surok ha National Highway–6.
Kane ka jingjia ka la jia ha ka por kumba 7 baje ei ei janmiet, ha ki bynta jong ka shnong Mawdiangum, Ri Bhoi District. Nalor ar ngut ki longkmie kiba la khlad noh, iwei i khyllung kynthei ruh i la mynsaw jur, kynthup lang ia u dribar uba niah ia katei ka kali Alto K10.
Katkum ka jingpynpaw na ki sakhi, ka kali Alto K10 ka la tynrah jur
ia katei ka trok, kaba la wan rah iaka jingpynjulor kaba shyrkhei ia ka kali bad ka la wanrah ruh ia kane ka jingjia kaba sngewsih.
Hadien ka jingjia, ki Pulit ka Nongpoh ki la wan poi mardor sha katei ka jaka ban ai jingiarap ia kiba la mynsaw bad ban rah noh ia ki met jong kiba la khlad. Ki Pulit ki la sdang ruh ia ka jingtohkit kaba bniah ban lap ia ki daw jong kane ka jingjia.